八八論壇 Forum88

[628]

富 貴 竹 要 氣 勤 換 水

「 哎 ！ 黃 晒 喇 ！ 」 日 前 office 突 然 傳 出 一 陣 慘 叫 聲 ， 原 來 係 譚 小 姐 發 現 自 己 面 盆 富 貴 竹 ， 好 多 支 都 發 黃 ， 有 仲 差 唔 多 枯 萎 。 我 仲 以 為 佢 照 鏡 發 現 塊 面 黃 晒 ！ 佢 話 諗 住 擺 盆 富 貴 竹 ， 旺 自 己 ， 點 知 搞 到 咁 ： 「 會 唔 會 唔 好 ? 」 見 佢 咁 愁 ， 問 玄 學 家 麥 玲 玲 ， 佢 話 植 物 枯 黃 就 唔 好 再 擺 。 擺 放 植 物 簡 單 分 兩 種 目 的 ， 一 種 係 擋 煞 ， 例 如 放 盆 仙 人 掌 之 類 一 個 唔 係 咁 好 方 位 ， 好 似 五 黃 、 二 黑 ； 另 一 種 係 催 旺 ， 擺 富 貴 竹 之 類 財 位 等 。 如 果 擋 煞 植 物 變 枯 黃 ， 表 示 幫 你 擋 衰 ， 但 如 果 催 旺 植 物 變 黃 ， 證 明 個 位 唔 係 咁 好 ， 或 者 有 「 古 怪 」 ， 「 但 最 重 要 係 ， 有 冇 淋 水 先 ？ 」 「 我 就 真 係 成 日 唔 記 得 淋 水 。 」 譚 小 姐 自 首 。 坊 間 富 貴 竹 有 平 有 貴 ， 為 唔 好 錢 ， 公 司 資 深 花 王 李 伯 就 提 醒 大 家 ， 話 富 貴 竹 需 要 放 空 氣 流 通 處 ， 同 埋 一 、 兩 日 換 一 次 水 ， 但 唔 一 定 要 太 陽 直 曬 ， 有 燈 光 已 經 足 夠 。

[628]

富 貴 竹 生 根 可 轉 用 泥 種

綠 色 植 物 可 美 化 家 居 ， 也 可 作 風 水 用 途 ， 網 民 bella_piano 最 近 獲 風 水 先 生 路 ， 要 在 家 中 放 置 植 物 ， 他 喜 愛 富 貴 竹 （ 圖 ） ， 但 想 用 泥 種 ， 又 怕 有 蟲 ， 想 知 道 可 否 使 用 科 學 泥 。 網 友 zitalin 指 出 ： 「 富 貴 竹 用 水 浸 ， 唔 使 泥 ！ 」 市 面 上 的 富 貴 竹 有 大 有 小 ， 小 枝 會 以 多 數 量 圍 成 一 圈 ， 再 將 大 圈 小 圈 一 層 一 層 高 ， 而 一 般 富 貴 竹 都 會 放 於 水 中 栽 種 。 不 過 ， 香 港 鮮 花 零 售 業 協 會 主 席 謝 黃 小 燕 說 ， 富 貴 竹 可 以 泥 種 ， 但 必 須 先 用 水 種 至 竹 底 生 根 ， 當 根 生 長 至 一 定 數 量 時 ， 便 可 移 植 到 泥 栽 種 ， 現 時 除 了 桔 仔 等 盆 栽 會 用 塘 泥 栽 種 ， 一 般 都 會 用 科 學 泥 ： 「 如 泥 內 有 蟲 蟻 ， 多 是 由 露 台 或 窗 台 爬 入 ， 並 非 因 為 泥 種 ， 現 時 科 學 泥 多 很 清 潔 ， 並 不 污 糟 。 」