八八論壇 Forum88 首頁 八八論壇 Forum88
天南地北八一八,一舒己見安樂哂
[常用網址]
 
 常見問題常見問題   搜尋搜尋   會員列表會員列表   會員群組會員群組   會員註冊會員註冊 
 個人資料個人資料   登入檢查您的私人訊息登入檢查您的私人訊息   登入登入 

屯門公路不成文規定

 
發表新主題   回覆主題    八八論壇 Forum88 首頁 -> 迷離境界
上一篇主題 :: 下一篇主題  
發表人 內容
帝國
管理員
管理員


註冊時間: 2006-08-28
文章: 39291
來自: 帝國

發表發表於: 星期三 二月 11, 2009 11:05 am    文章主題: 屯門公路不成文規定 引言回覆

屯門公路不成文規定
話說一日,我約左個朋友(下稱B)出旺角買野,因為當日另一個朋友(下稱A)要到元朗拎貨出尖沙咀,而佢係用公司車,於是佢入屯門車我同朋友B出去,當我同朋友B買完野後,再約朋友A去唱K,由於朋友A第二日早上要上大陸車貨,公司準佢帶走架車,於當晚約零晨兩時,我地一齊坐朋友A車回屯門,當經過汀九至深井一段路時,朋友A突然減速,後面的車撞上了我地既車,幸好只係小撞,我地架貨VAN後面度門凹左,我地冇人受傷,而另一架車的司機亦只是輕傷,當時另一架車司機落車同我地講︰「好彩我諗住落斜先收油,所以先咁小事,如果唔係就死啦,你點樣搞架,高速公路唔收得油架。」朋友A當時呆左咁望住


先前經過既公路位上方一條行人天橋,然後講︰「而家D靚仔癡左線呀,咁樣爬出天橋,跌落黎咪大鑊!仲要成班人睇住佢咁玩都仲笑…」

我、朋友B同個司機一齊望上去…一個人都見唔到…朋友A又話︰「我收油都係因為個靚仔差D跌落黎,我驚撞死佢呀,好大鑊架…」

朋友B見狀即刻拉朋友A上車,而且由佢駕駛(朋友B冇牌),而另一司機聽完亦立刻上車,仲開得好快走
左,而朋友B亦不斷撻車,架車一著就即刻開得好快走左,而中途朋友A不斷同自己講野…

回到屯門,朋友B一落車即刻打朋友A塊面兩巴,同佢講︰「走啦,返去啦,你唔係呢度架。」跟住朋友A先問咩事,朋友B先講,屯門公路一向有個不成文規定,晚上十一時後,無論你死火,撞車,撞到人定發生咩事都好,唔好停車,如果停左車,唔好落車…如果真係落左車而有朋友望見公路附近有人,一定要儘快帶佢離開,而且一定唔可以再由佢駕駛,離開公路後落車前必須打佢兩巴,同佢講︰「走啦,返去啦,你唔係呢度架。」


我當時就真係乜都唔識講,朋友B話你當冇事,唔可以同朋友A再提,三日後先可以講佢知…三日後講左俾朋友A知之後,佢突然咳左幾聲(係好沉既咳),然後吐左一舊好核突既野出黎(有D似打死左四腳蛇「必」出黎D野既多十幾倍)…我先知佢咩事,而朋友B就講呢D野係佢做九巴個朋友既亞叔教佢,我都唔知係唔係真係有,不過以後夜晚都唔敢在公路上周圍望……

_________________
微笑----生命的活泉.享受人生,享受每一個由心的微笑


在生命中不管遇到任何困難,都不要失去臉上的笑容。
回頂端
檢視會員個人資料 發送私人訊息
從之前的文章開始顯示:   
發表新主題   回覆主題    八八論壇 Forum88 首頁 -> 迷離境界 所有的時間均為 台北時間 (GMT + 8 小時)
1頁(共1頁)

 
前往:  
無法 在這個版面發表文章
無法 在這個版面回覆文章
無法 在這個版面編輯文章
無法 在這個版面刪除文章
無法 在這個版面進行投票


Powered by phpBB © 2001, 2009 phpBB Group
本論壇言論純屬發表者個人意見,與 八八論壇 立場無關