八八論壇 Forum88

piyopiyo · 銅章會員 註冊時間: 2006-11-27 文章: 17

近期發覺有好多不是御景住戶都可自由坐村巴入村，真係不知所謂。最近期一次就係3月尾發生，有個男人在佳華上村巴，係入村的更亭，保安上車查証，可能覺得佢生面口，便叫佢出示住戶證，點知佢話冇，問佢住邊又唔知，只話去探人，咁保安就比佢入村。我出聲話有冇攪錯呀，咁都得，但都係一樣比那男人入村。以前係鎮中心，無論好天或落雨，都要睇証才上車，現在就不用，又以前鎮中心站都有兩，三個職員係到幫手，但依家只得一個護衛。真係想知道，係咪港中依家賣緊個兩幢大厦，想吸引多D人樓，做生意，就乜人都可坐村巴，又可以直入村內睇環境呢？好早已經覺得在入村的更亭查証只係做樣，好過冇。依家唉…真失望。

另外清潔的問題，因為之前只星期六住一晚，星期日返香港，都冇留意清潔的問題。今次我係復活節假，返去御景住咗四日，先發覺D清潔好有問題，係加洲二期13座對出，垃圾筒後面的花圃，由我第一日4月5日返去，發現有三個大的啤酒樽及垃圾瞓咗係到，足足3日，係４月８日早上才清理咗，衹見每天收垃圾車的工人只倒垃圾筒內/旁一袋袋的垃圾，而村內清潔的工人只係掃落葉，見到有護衛巡邏，但冇人對這些垃圾視若無睹，即時跟進。點呀港中，真係想知道係管理不好，還是管理不到呢？又一個失望…。